കറുമ്പി

ആഗ്രഹങ്ങളില്ലെങ്കിൽ ഓരോ ദിവസവും ജീവിതം കൂടുതൽ കൂടുതൽ സുന്ദരവും കാൽപ്പനികവുമാണെന്നു തോന്നും.. ചെറിയ കാറ്റ് പോലും മാസ്മരികമാണെന്നും ചാറ്റൽ മഴയിൽ മനസു കുളിരുന്നുവെന്നും തോന്നും.. പ്രതീക്ഷിക്കാനും മോഹിക്കാനും തുടങ്ങിയാൽ പിന്നെ നിരാശയുടെ നടുക്കടലിലാകും. എത്ര വലിയ കാറ്റടിച്ചാലും മതിയാകാതെ വരും.. എത്ര നേരം മഴ കോരിച്ചൊരിഞ്ഞാലും മനസിൽ കണ്ട കാൽപനികതയുടെ അടുത്തെങ്ങും എത്താതെ തോർന്നു പോകും.